In 旅行主義

我最憎人話我有錢。

Views
我最憎人話我有錢。最憎! #方丈極小器 話說,係網上發佈旅遊既野,我就預左有人會以為我好有米,成日出去玩唔駛撈。見到某位完全唔識既網友話我好幸福,唔駛撈就有錢去玩,唔駛返工唔駛儲錢擺酒置業。佢咁睇得起我我真係覺得好榮幸。幸福我係,但話我唔駛儲錢唔駛憂。到底,呢d人憑咩咁樣講?? 係,我會嬲。首先第一,我係一個公屋人。屋企人已經冇做野而亦需要我養既,我係絕對有俾家用(即使我而家唔係香港,我已經一早留左一年既錢俾屋企人),只係我前個幾年好努力咁樣搵錢又唔多買衫褲鞋襪所以先至留到餘錢去旅行。OK,我知我冇同你講所以你唔知我唔怪你。不過或者有d朋友覺得買對HKD1,000既靚衫係好必需,而我就用HKD100買兩件衫。 好,我結婚冇諗過置業因為一早就知置Q唔到 (我相信99.9%既香港人都知) 所以索性計劃住係對方屋企。擺酒,細有細搞,我冇諗住上100層樓搞個咁高級又出哂咩仙境effects既婚宴。生日紀念日個d,我都唔會點慶祝,開心係唔一定建基於食物/禮物既。 喂,唔該,我地只係價值觀唔同,儲錢洗錢方法唔同,唔該唔好又自己懶醒假設我好有錢。咁唔通我係日本日日食16yen一個既烏冬慳錢又要同你報告咩?(唔信你去業務super搵) 我都講到口臭啦。如果你真係咁想知道我到底點解可以成日四圍去,不妨直接俾個message我,我話你知,但唔該唔好不負責任同我講一句:「咁有錢去玩,唔洗做就好啦!」邊_個話唔洗做先?你咁叻看穿我下半生唔洗做既話咁我都幾開心架。 話時話,我12月14日就飛去滑雪場都做野啦。


Related Articles

0 意見:

張貼留言

Pls leave a comment :-)

Popular Posts