尋找一杯咖啡的時間。

Views

有一段時間，我唔明白點解咁多人鍾意飲咖啡。明明，咖啡係我心目中嘅印象，就係苦澀。但自從返工生活越黎越忙，咖啡就成為左我既鬧鐘，你一段時間我冇咗咖啡就好似嗩吶一樣，呆呆滯滯。我估就係因為呢個原因，我習慣咗飲齋啡。 好多人都話齋啡好苦，但我就享受佢嘅甘香。亦唔知從幾時開始我好鍾意去試下唔同既咖啡館。雖然呢種行為可能比人哋覺得係個假文青，但係我一於好少理，自己鍾意做咩咪做咩囉，使乜理人點諗啫。

所以，我都習慣左一個人係咖啡店。去咖啡店既目的，係想靜靜地一個人諗下野食下野睇吓書聽下歌。有陣時，偏偏要去到咖啡店，先至有咁好嘅興致。又有時，就算一個人係自己間房入邊，都好似靜唔到落嚟咁，容易俾一啲事干擾左。細細個，真係唔明白點解要哂幾十蚊買杯咖啡坐係一個咁嘅地方做啲平日都可以做到嘅事。大個咗先知道，原來要搵一個「一個人嘅空間」，其實係好難。

0 意見

歡迎查詢或留言 :-D 多謝支持