In 中國 中韓台澳 食在中國

[中國/深圳] 北上行街 文青風COCO Park

Views

咁岩小妹要一上深圳買d野,見到有其他blogger介紹開COCO Park呢個地方,於是乎特登去見下世面先。大獲,維基話佢其實2006年開,但我真係第一次黎..... 大檸樂~ =__= (OK唔好怪我大嫏里) 呢個地方都非常方便,購物公園地鐵站一出就係 - 有MUJI、UNIQLO、GAP、AEON超市,咦,都幾似香港D商場喎... 入面冇咩野吸引我,講下出面先 ---


離開商場入面,出一出戶外區,原來都好多野睇,仲有個都幾大既兒童遊樂場,如果我後生番20年我都想上去玩...



下圖有間撒椒 (下方中間偏左處),裝修靚到好似影結婚相咁 (唔呃你,個入口天花板有幾十個花球,牆身都好似花海咁),佢話食「江湖菜」,嚇左一嚇,聽落好似「皇家飯」既朋友,原來係食辣野。撒椒 - 即係指撒辣椒同花椒,肯定又香又辣。識左我咁耐,唔會唔知我唔食得辣掛?差唔多8點八卦行入去望下,成50幾60人排緊隊。真係咁好味~?

咁多人食,連蔡瀾都食過:
仲有一篇<<頭條日報>>專欄既介紹 (盧健生撰),介紹得都好好:


西西弗書店 - 裝潢幾靚,細細間,但種類都唔少,連住一個叫矢量咖啡既小店,等大家買本書坐係度發個文青夢,不過在場既朋友好似自拍/訓覺多d.... 哈哈



為左遮住一位紅衣人,文青怪出現左!!!!!



如果你鐘意Hello Kitty,呢度有間主題CAFE 叫 Bonbon's Hello Kitty Cafe,入面好多Hello Kitty既擺設同造型食物,仲有好多紀念品買。



深圳發現!!雪冰 Sulbing ~~~ 我好懷念上次係曼谷食過番尋味既感覺!上次係香港食過好似生泡疹既蜜瓜冰同呢間比真係小巫見大巫!好可惜尋晚得兩個人一定食唔哂兼飽到食唔到晚飯。唯有下次揾班朋友一齊去先食得。其實香港有冇開分店??份量:4人份 / 力推:蜜瓜冰(食後感請按連結至全文: http://mslifetraveler.blogspot.hk/2016/06/blog-post_27.html )




除此之外,COCO Park的其中一面 (印象中好像是2街東面出口)有一條酒吧街,一連大概4-5家挺大的酒吧餐廳,如果需要找點喝的話也可以一試。

本來想食海底撈,網站話有間係星河COCO Park既5樓,但我地行左幾圈都搵唔到5樓,於是乎放棄佢轉戰一間都幾人多既越南餐廳 - 美奈小館。番到屋企再上網先發現原來星河COCO Park唔等同購物公園COCO Park,購物公園COCO Park名為GALAXY COCO Park。正所謂:「都是COCO Park! 不用分那麼細吧!!」


叫左個雞扒檬粉  (CNY4X),估唔到幾好食。本來諗住唔特別介紹,但點知原來都幾好食,影唔切張相介紹俾大家知啦。檬粉有少少幼版米線,爽口。雞扒幾好,落左d蜜糖燒,偏甜。

火車頭河粉  (CNY4X),我鐘意佢多料 - 有生牛肉、牛腩片、牛根(有d硬)、牛丸同牛柏葉。個湯清清地,落左唔少香葉同薄荷葉,十分清新~!


拼盤 (CNY78) - 有牛+雞串 (共4串)、蔗蝦、春卷、紫菜烤肉(唔知係唔係)、仲有綠色個幾塊好似由幼身米線整成既餅(都幾難食,冇味但聞落去酸酸甜甜)。


一客普通既馬拉盞炒通菜  (CNY3X)



又來到旅行主義饞嘴指錶時間, 10分為滿分的話:
>> 越南菜。美奈小館
味道: 9分
衛生: 8分 
服務: 8分 
份量: 8分
上菜速度: 8分
價錢: 一人HKD100左右
性價比: 8.5分
推介: 雞扒檬粉 / 火車頭河粉
試食指數: 估唔到真心幾好食
Encore指數: 想食越南野時再黎
除此之外,COCO Park其中一邊 (印象中好似係2街東面出口)有一條酒吧街,一連大概4-5家幾大間既酒吧餐廳。不過講深圳既商場既話,呢度都算OK,又多年輕人聚腳係到。

Related Articles

0 意見:

張貼留言

Pls leave a comment :-)

Popular Posts