In 專欄散文

去旅行, 總有一站係超市。

Views

剛剛去曼谷,死黨1號2號由出發第一日已經係咁話要去邊間邊間超市掃貨,仲要表現出一個一定要去既堅定神情。無論自己去旅行定一大班人去旅行, 明明旅遊書唔會介紹超市呢個地方,但我地總係好自動自覺去搵超市係邊。



超市呢家野,識得用真係好好用。去旅行行景點悶悶地人又多出街又熱,想睇下當地人平時點生活,從日用品開始入手亦係一種學習。就算同一枝XXX洗頭水,人地既款都可能唔同D,同一隻牌子既百力滋又可能多D味俾你揀。去美國既超市仲開心,8年前第一次去美國住,就算揸車都要行老遠既超大超寬闊既WXXMART,令我見識到食零食平過食麵包既生活指數 (唔知而家仲係唔係呢...) 所以,唔好以為行超市只係為左去買枝水咁簡單,其實大把野學,尤其是日本個D奇怪產品,真係見都未見過,千奇百趣。

當然,醉翁之意不單在此。死黨1/2/3號都係一心一意去掃平零食。既然超市係做當地人生意,咁旅客去買都起碼唔駛驚俾手信店鋸到一頸血。而且老實講,做細公司就話姐,一做大公司郁D都識50幾60人,個個都話要手信,分分鍾仲貴過張機票。喂,冇理由買手信俾人都買到自己都唔夠錢洗姐?而且超市D零食都幾高質素。不過令我佩服既係,好幾次旅程上身邊既朋友買零食都買到爆哂gip。

雖然我不嬲都唔係好買野,但行下超市都係研究民情風俗既一種。話說回頭,其實我以前連平日拍拖都好鐘意行超市。



Related Articles

0 意見:

張貼留言

Pls leave a comment :-)

Popular Posts