In 專欄散文

講左十年,終於同到一班死黨去旅行。

Views

講左十年,終於同到一班死黨去旅行。 

是咁的,我唔覺得太過慚愧,我好很肯定你地一個二個都試過,想約一班三五知己人齊腳齊咁去旅行,係件難過老細叫你聽朝交report既事。曾經有一次,我錯過左一個機會,我幾位好友提議去沙巴,只怪陰差陽錯,岩岩轉工請唔到假,於是佢地都照去,只欠我一個。轉眼間又過左三四年,再有人話都仲未真正人齊,短短地去個曼谷都好。好好彩,今次一講,過兩日就confirm哂d野,開開心心等出發。 識左呢班朋友,幾乎15年,從中學到而家都仲keep到大概一個月見一次。



今次旅途當中,有點感慨。各朋友都逐漸成為中級管理層,即係腦細無時無刻都旨意你跟野問你野要即刻覆個個層次,所以,明明排排下隊等食飯,佢地都係到覆公司email。以前我唔覺得旅行用wifi蛋好重要,而家終於明左。呢種情況我知道只會由而家既「間中㩒電話覆email」變成將來「夜晚番到酒店唔係開麻雀台而係開電腦做野」既局面。個一刻,我突然後悔三年前點解錯失左一次一齊去旅行既機會。友誼同時間,同樣要珍惜。 同普通朋友去旅行,同最好既朋友去旅行,有d似男朋友同老公既分別。普通朋友既話,去旅行時有咩磨擦爭拗,大不了疏遠,以後唔見咁多。而最好既朋友,就係無論有咩唔開心都好,都會同自己講唔好放係心上,最多嬲一分鐘啦,嬲一陣好啦。過左啖氣,如常嘻嘻哈哈。

明明前兩日先落機,我而家就已經有種衝動想再去多次。一齊傻笑,低B都唔洗就住就住。



Related Articles

0 意見:

張貼留言

Pls leave a comment :-)

Popular Posts