In 中國 澳門

[澳門]浪漫燈光 x 夢幻投影 = 澳門光影節

Views
好開心又可以好好享受我既周末,最近迷上左每個星期既周末都去小旅行。
呢個冬天,澳門旅遊局好有心思將成個市中心大變身,係非一般咁靚既聖誕燈飾。
不妨趁住今個12月,去澳門,又可以住下靚靚酒店,又可以漫步欣賞澳門光影節2015。


澳門光影節: 2015年12月6日至12月31日


4點幾鐘黎到已經好多人,周圍行下街買下野再番黎,等佢著燈先靚。



今個光影節有4個光雕表演,亦係我自己既主打項目。為左好好安排時間,於是我就去左議事亭前地旁邊既旅遊局拎本光影節場刊。:-D


雖然官方話7點先開始,但5:30左右番到黎,議事亭前地既大型星海天幕已經亮燈恭迎大家。



亦都少不得其中一個重要地標 - 仁慈堂。


光影走廊


轉向右手邊上大堂前地,成個噴水池變成幸福之泉。仲有好多好多浪漫既心心~~ 最岩情侶黎影相...~






旁邊仲有一座馬槽描述聖誕故事~


沿住大堂前地轉入大堂巷,向盧家大屋方向走過去,就會見到一大條好可愛既晾衫街,同大家道出舊日澳門既生活百態。




就係呢一盞盞既射燈,令到盧家大屋變得好夢幻。


光影節既其中一個重點就係光雕表演,每半個鐘一場show,於是我計劃好7PM, 7:30PM, 8:00PM 睇哂集中係哂大三巴附近既3場。
  
行左一陣,6:30pm就去大三巴搵個靚位睇show,已經人潮洶湧!!


就黎開show啦,官方做緊testing~大三巴 - <<光之仙境>>



進入倒數階段!! 好緊張呀,好耐冇睇過投射Show啦~ 



影左大量相同片,投射將大三巴變裝,立體效果+色彩繽紛 :-)








件件衫都好靚 :-)
望番落成條樓梯,我諗加埋都有2000人~~@_@

 

 慢慢行番去玫瑰堂,準備欣賞7:30PM《板樟 • 樂章》。


原來佢既影像係將玫瑰堂既歷史講番出黎,火燒、復修等等,配合住優美動聽既音樂,成個投影好有美感。




最後一站,我地番番去仁慈堂欣賞投影show - 澳門遨遊。




投影片段加入左好多關於澳門文化既元素。




呢一場最喜歡呢一幕,一個個澳門藍白優雅路牌好有當地特色。 


除左咁靚既投射同燈飾,仲有好多人排隊換領小禮物。


講左咁耐都冇影過聖誕樹,放心,議事亭前地都有既!






請留意,以上大部份相片都冇後期加工,就算就咁影燈飾,都可以輕易影到靚相。

亦基於時間關係,唔能夠去埋遠少少既媽閣廟、崗頂前地、聖老楞佐教堂等等地方。希望好快又有機會再黎,住一晚又好,即日來回都好,睇到咁美艷既光影節都真係值回船票。如果不幸地時間唔夠,亦都千祈唔好錯過特別係大三巴既投影show。

祝大家都有個美好快樂既聖誕。

Related Articles

0 意見:

張貼留言

Pls leave a comment :-)

Popular Posts